2011-2-28 02:29
牙.
[b]七.[/b]
唉,陰公,今日我出完街番黎電腦壞左,本身琴日打好左篇文,依家又要挨夜打過,
加因我哩個禮拜都唔係好得閒,所以update定哩篇先,之後番黎再打,希望各位讀者會體諒下-_-.
上次講到阿和話帶我去一度啦,到左之發現原來我去過既-_-,大家都應該知邊度咖喇.
好似係叫沙田新城市廣場(唔知有冇打錯,因為好少去)既snoopy land,阿和以為我未去過-_-.
阿和; 正唔正. (期待我既反應)
我; er,你當我低b呀-_- (擺明比面色佢睇xd)
阿和; 唔洗我當你都係. (無奈)
我; 哩度其實我黎過-_-
阿和; 車,我上網search過邊度岩低b去.就search到哩度喇. (明串我)
我; 乜有哩d search咖咩,我得閒都search下邊度岩傻仔去先.
阿和; -,-
之後佢都廢事同我講,其實個度真係無野玩,主要係睇下比d小朋友影下相,如果係我好細個個陣黎,
應該會好雀躍既,但依家哩個年齡,無乜童心可言-_-,講真丫,可能我講野係低b左少少,諗野有時都幾低b,
但我已經唔會係再鍾意哩d既小朋友,我已經過哂哩d年齡,但又廢事掃佢興(其實已經掃左-_-),
咪同佢周圍行下, 但行行下都發覺唔係幾好意思, 因為周圍都係d家長同小朋友係度影相呀個d-_-.
我地好似特別出位咁 xd.
之後去左食野, 食野個陣有人打比佢, 好似係叫佢玩信長之類-.- 點解我知?
因為我聽到類似打黎打去既內容, 佢唔會係同人打交個d類型黎, 就算係都唔到佢,
所以我唔認為會係講緊現實野囉-,-.
佢收左線之後好似發覺我有d唔妥喇,於是佢...
阿和; 我今次無玩呀... (睇我面色)
我; -,- (唔出聲xd)
阿和; 喂,搞錯呀,又嬲-_- (無奈)
我; 無嬲.
阿和; 咁又唔應人.
我; 無嬲就無嬲啦.
阿和; ok-.-咁我去玩.
我; 去去去.去死啦你-,-
阿和; 拿,都話你嬲咖啦-,-
我; 想扮下大方都唔得=.=
阿和; 係,因為你本身就唔大方.. (笑)
叼,佢真係好乞人憎咖,成日都借d耳潤人-_-真係勁無癮,不過比佢講又唔會勁嬲個種.
相比係佢同我d fd講我, 我d fd講我真係會勁嬲, 我會心諗: 你又好大方咩?
唔通哩d就係朋友同愛人既分別 *_*? 原來我都係重色輕友既人-_- 哈哈哈.
食完野之後同佢行左一陣佢話要去打機 ,我哩就唔鍾意玩哩d同埋唔叻玩哩d, 於是就番左去屋企訓教.
番去既途中我係個袋度搵到佢叫我拎番比佢隻錶,突然間諗起d野, 於是就打比佢, 唔知大家知唔知我up乜?
我既意思係, 我諗番起佢琴日話叫我還番隻錶比佢個陣個d說話, 之後就打比佢-_-.
唔知佢條仆k-_- 係咪玩緊, 打左幾次都無人聽, 諗住算想收埋個電話個陣又打番黎,
佢又真係幾抵死咖喎, 不過我都諗住玩佢xd.
電話中-
阿和; 喂,老婆?打黎仲乜.
我; 無,突然諗起d野姐. (語氣唔係幾好-_-)
阿和; 岩岩掛住玩聽唔到電話響-_-
我; 成日都玩玩玩,玩死你-_-
阿和; wa,我死左你好大獲咖喎.
我; 咩-_-? (唔知佢up乜)
阿和; 我死左你唔洗指意嫁得出喎.
我; 點解.
阿和; 因為淨係得我頂得你順囉.知我好未?
我; 知,知你無忽好.
阿和; 車.咩事呀.
我; wa, d人掛住玩嫌我煩啦嫌我長氣啦.
阿和; 的確-_-
我; 叼你啦.
阿和; come on baby -.- (好欠打)
我; 我想講,我唔記得比番隻錶你,依家拎比你,ok? (認真)
阿和; ....... (唔出聲)
我; 唔出聲? (玩野)
阿和; 玩野呀你-,-唔好比番我.
我; 咁琴日你又話..... (未講完)
阿和; 嬲得滯講下之嘛-,-總之你好好keep住:).唔傾喇. (cut)
丫,佢條友丫,掛住玩都唔洗cut我線丫化,但係點都好啦,我既玩野成功左喇, 哈哈,
因為佢既答案令我好滿意xd.
唔知大家又滿唔滿意呢? 我都知唔滿意咖喇, 打得咁短-_-,
但無計啦, 人地好鬼死眼訓, 你知啦, 去完街嘛, 要知道撐住眼皮同你地打文係幾需要意志!
依家覺唔覺得我勁偉大? xd .....離左題.
之後都無乜野, 因為我地嗌交個段時間過左情人節,都無乜補祝番呀之類. 只係佢係度怨我無整朱古力比佢-_-.
我心諗 : 我都唔識整既-_-, 好彩過左情人節姐 xd. 我記得上年過年係同情人節一齊黎既-,- 個幾日因為要拜年,
都無搵大家, 之後個個月都無乜點. 到左三月,我記得唔知係15號戈時-,- 我地日頭個陣嘈左嘈交.
內容真係唔係好記得, 同埋我對個日真係無乜印象, 係為乜嘈個d都無乜=_=, 但係真係嘈得好勁.
之後我無再理佢, 佢都無再搵我, 到左夜晚我on msn wo, 我好記得係15號個晚-,- 因為之後有d野發生xd.
佢add 我 msn-,-.
msn-
阿和; 15號先黎搞單咁既-,-
我; 你估我想咖.
阿和; 控制下你d脾氣啦.
唔知點解見到哩句之後好炆wo, 可能係唔鍾意人話我啦, (有邊個係鍾意比人話咖xd) ,
如果佢講得婉轉d無咁直既話或者我都唔會咁嬲, 可惜偏偏佢就係d咁直既人-,-. 唔知佢係嬲得滯定乜,
總之就係咁同我講, 之後我地又嘈啦, 嘈嘈下-_-
msn-
阿和; 叼,你上黎我度,一五一十講清楚佢.
我; 仲乜要上黎你度?嘈仲要上黎你度?博比你斬?
阿和; 0n9.我會係d咁既人?
我; 55.或者.
阿和; 0n9.笑話.哈.
我; 好好笑喎真係.haaaaaa
阿和; 都幾咖.咪up廢話na.上黎.
我; 唔上喎.
阿和; 我懶得打字.上黎na.淆?
就係因為見到佢個句淆?我就上左去.其實諗深一層我怕乜鳩-_-. 怕佢姦左我咩-_-.
之後上到去, 佢d語氣勁乞人憎, 佢老母老竇都唔係屋企-,- 個陣真係有d淆, 真係驚佢姦左我-_-.
緊住係度講講講, 一直都好心平氣和, 至少比起msn個d算係心平氣和na-,-.
之後佢無啦啦燒到我度-,-
話我咩姣阿成 (佢個fd黎-,-我都識.成日見到.會傾下計咁.都幾好傾,但佢唔係好鍾意阿成) ,
講開哩個我就真係嬲, 竟然話我姣仔囉, 真係我話佢溝女都未到佢話我溝仔.
於是我又燒埋佢個度-,-
我; 吹到我姣佢囉.你溝女我都未同你計.
阿和; 邊有呀又-_-又miki? 你out唔out d,成日講佢.? (勁串)
我; ha.我out?係我out唔知你又又有新女溝.
阿和; 我要溝洗愁無? (超欠打.超9賤囉哩句.我勁記得)
我; 係喇.知你唔愁喇.少我一個唔少tim.
阿和; 你要知道.我要唔傾都唔係唔得=) (笑得勁串wo)
我; 咁咪唔好傾囉.ok. (勁想喊)
之後我就勁嬲咁走啦-,- 走個陣佢又拉住我喎.叼.真係受夠佢喇.
我; 喂.咪掂我啦-,-
阿和; 你估我好恨呀?
我; 唔恨就放手.plz!
阿和; 就係唔喎-,-
我; -.-叼.
阿和; 係咪要叼.? (好認真)
我; 唔係喎.唔係好想見到你條周囉-_-
阿和; 遲早都要見咖啦.
我; 比你食硬咖.ha?
阿和; 唔係,係我食硬你咁姐:).
真係勁嬲,佢哩個人唔聽人講野不特止,仲超易整嬲人,佢講d野真係好9賤.
對人好個陣真係好好, 對人衰個陣可以衰到....踩到你落地-,-. 唉. 我咁樣係度維繫,究竟係為乜?
為左一己私心? 為左想長久而維繫? 個陣我真係有諗過, 其實我地咁唔夾, 你忍唔到我, 我又忍唔到你,
不如就分手-,- 但最後又做唔出.... 因為我希望會長久到 :) 可惜...
跟住冷靜番落黎又覺得無乜野, 之後佢竟然提出d好白痴既野-,- 唔知大家情侶間有冇做過哩d野喇-,-
不過我地就係做過喇, 唔好亂諗野或者諗錯左隔離-,- 我所講既野係好特別....至於點特別法,
就係勁特別 (諗唔到形容詞喇-,-) ,可能你都會覺得好特別, 好喇.....打到哩度你係咪覺得我好煩呢?
係呢? 好啦, 既然大家咁想知係咩, 我就開估啦-,- ..... 就係.......
佢叫我地咩每人拎一張紙咁 (普通廢紙) , 之後寫出對方既缺點啦-,- , 之後我地寫左之後,
就交換睇啦, 然之後叫對方改下咁啦, 不過改唔到都可以盡量配合咁-,-. 之後寫完啦.
我就照實咁寫左啦, 唔知佢係咪喇-,-.....
我大約好似係寫左... 掛住玩,緊張朋友多過我,發脾臭,好串,大男人之類-.- 都寫左勁多下.
我見佢寫左一陣就停左筆, 呵呵, 個陣我心諗 : 我缺點都唔係好多姐, 你多過我囉-_-.
係我發呆諗緊個陣,佢就話我...
阿和; 寫完未-.-. (見到我寫左咁耐都未ok)
我; 就ok-_-
阿和; 我咁多缺點?
我; 都幾-_-.
之後都幾尷尬, 其實我個刻有d覺得我地好似玩緊獎門人遊戲咁-_-, 雖然無哩d遊戲, 哈哈,
緊住寫完就交換睇啦, 我見到佢反起張紙, 之後睇到一副難以致信既樣, 我都幾滿意 xdd.
因為比佢知道下都好, 之後我就揭開佢寫比我個張-,- 其實我事先個陣心諗佢會諗我咩成日發脾氣,
燥底怪, 成日講粗口之類-,- 點知佢寫......佢個答案都令我幾感動下-,-
佢寫. 「無缺點.因為比優點蓋過哂.」個陣我勁感動囉, 但係又唔係太想係佢面前暴露我既情緒喎,
於是又繼續扮哂野係度死忍-,- 點知比佢串.....
阿和; 係咪堅係感動呢? (笑)
我; 55,但我覺得你勁扮野囉-_-
阿和; 唔洗忍.喊出黎囉 xdd (無視我句野)
我; 唔呀-.-唔會.
阿和; 唉.點算好呢.我咁多缺點..... (扮可憐-,-)
我; 改囉.唔係點.
阿和; 唔洗你講我都會啦.盡量啦下. (膚顯)
其實佢表面上係膚顯我, 但係佢事實上.....之後真係改左好多, 呢一點係好值得讚既xd.
或者追左哩篇文好耐既讀者都會知道,其實對我地黎講嗌交就好似食飯咁普遍咁普遇-_-
次次最後都會起番埋一齊...至少個陣我係咁覺得, 但原來嗌得交多都係會有缺口,
都會有刺, 相處得愈耐都係會愈發現到對方既缺點.....而最後, 就要睇大家忍唔忍受到對方.
跟住又無乜野, 大家都好開心好sweet咁過-,-.....個排真係勁sweet.下集up下啦下-,-
另外我會打下, 另一個人既野, 廢事成日講自己野講到悶到出汁. 大家想睇邊個呀? 可以反映一下.
[b][size=4][color=darkred]好喇. 因為未夠19頁-,-所以我想下集係夠22頁先post.[/color][/size][/b]
[b][size=4][color=darkred]我打左咁多字,你地留個言都唔過份姐係咪呀-,-. 唔夠既話我唔會post下集咖.[/color][/size][/b]
[b][size=4][color=darkred]但講明先我哩個禮拜真係唔係太得閒, 所以唔擔保會日日都睇夠22頁未同打文.[/color][/size][/b]
[b][size=4][color=darkred]所以大家就屈就下啦 :) thx.[/color][/size][/b]
[[i] 本帖最後由 牙. 於 2011-2-28 02:35 編輯 [/i]]