3boys2girls » 完整小說收錄 » [真人真事 - 言情] 我同呀和! 2013/2/23 updated!

2011-3-17 17:09 ;`苦澀.
牙牙~~做咩仲未po既?呢排好忙?
up;$

2011-3-17 18:11 `★YIJAI.
新讀者=).sup(:`
我都好憎自己男朋友掛住打機吾理自己.\/.`

2011-3-17 22:43   牙.
[b]九.[/b]










我見到有人話想睇小妹同北仔,有人話想睇呀咪同阿光.咁我就玩小數服從多數既,
咁今次就打住阿咪同阿光先,因為多人想睇多d,所以我就打佢地.拿.講明先.
我只係係阿咪口中聽番黎,有幾成真幾成假我唔知咖.

咁話說09年聖誕個陣,即係阿和去左旅行個陣,唔知有冇人仲記得啦下,之前有提過下.
boxing day個日阿咪就約左我同光仔既,點知我就無見人啦,於是以下就係發生左d乜事喇.

阿咪話佢個日咁岩剪左頭髮同染左啡啡地, 好鬼型,拿.都話髮型可以影響一個人咖啦.
不過我只可以話阿光個樣好正經,同埋唔算係靚仔個d,所以只講得上型2個字,哩句係我個人感受.
之後佢地約左去唱k 2丁友 好鬼0n9,本身我都話去既,點知我放左佢飛機(好似係因為未訓醒定唔知乜-_-)

咁本身阿光追左呀咪好耐既,但係阿咪當佢係fd咁既姐,不過個排唔知係fd左定乜啦,
阿咪話覺得同佢2個人 單獨咁出街都無好似以前咁抗拒 (其實我覺得係因為阿光型左囉-_-).
then佢地又唱下k,玩下笑下咁,但係你地知咖啦,阿光份人唔係幾怕醜又唔係好唔知醜(北仔)個類型人,
所以佢地都會成日有冷場呀個d既出現....諗起哩度就覺得好笑-_-或者大家唔知好笑係邊.

入番正題,咁岩唱唱下,光仔有電話入喎.

電話-
光; 喂.
x; xxxxx
光; 下.我同緊喵喵(呀咪)唱歌wo.
x; xxxxxxx
光; 等陣.我問下佢先.

then佢問左呀咪d野-_-v.

光; 阿祺(fd堆入面既仔-,-) 問你去唔去飲野wo.
咪; 你去唔去?
光; 你去我咪去.
咪; 對我咁好.哈哈. (乾笑-_-)
光; 我對你係點 你知咖. (唔怕醜既時候-_-)
咪; 哈哈.咁明顯點會唔知. (有d串feel)
光; 咁你幾時先比答案我.
咪; 我同你講過唔好迫我.
光; 嗯.

阿咪話之後佢地去飲野啦, then唔知點解佢就係個人好炆,想激嬲阿光,想呀光呷醋.
女人真係奇怪,一時又話唔鍾意人,一時又做埋d好似鍾意人既舉動.
其實我覺得, 或者呀咪早就對呀光有好感, 基於乜野無人知, 不過由佢咁既舉動可以知道xd.
係個白痴婆自己唔知-_-.

then呀咪就同呀祺同埋佢d fd玩得好埋. 係咁玩十五二十又輸9哂.玩開既人都知.
輸左一係罰一係飲. 但由於佢地玩得好大.罰得好變態. 所以阿咪就淆淆地簡左飲.
好似話佢飲左勁多. 但酒醉都有三分醒咖. 雖然個人牛下牛下. 好暈好浮但係都會有知覺.

佢話之後唔知佢做左d乜事啦(唔知佢係真係唔記得定唔肯講) then阿祺搭住佢博頭,
then佢望一望呀光, 點知佢見到呀光係度昅女(唔知係咪喇-_-) 佢就好燥啦.
就fing開呀祺佢隻手. 呀祺都應該有d無奈-,- 但玩玩下走左去無人會咁咖嘛.
於是成班就拉住呀咪喇-,- 大家就嘈起上黎.

佢話開始嘈個陣唔記得嘈乜, 但有少少記得.

呀祺; 屌你.唔識玩就咪學人玩啦.9妹. (燥)
呀咪; 岩岩係度搭撚哂博頭博fd博乜7抽乜水我都未話9你.話我? (燥)

2個飲到又火又燥既人就係咁開起戰上黎, 哩個時候係一旁唔知發緊呆定乜既呀光就
緊係過黎睇下搞乜-_- 嘈到祖先十八代都出哂黎咁滯. 唔知係咪飲醉左d人都特別易嘈交.
then呀光見到咁既情況就緊係做和事佬. 佢哩d好人黎. 唔鍾意嘈.
講到哩度. 大家係咪覺得呀光同小妹有d似呢. 2個都鍾意做和事佬. 但係目的唔一樣.
小妹就係唔想fd嘈交. 想大家好好咁落去. 而呀光就係覺得嘈黎都無補於是. 只係得個煩字.

呀光; 冷靜d先你2個. (打眼色叫d人拉開佢2個)

咁好似話呀祺d fd就蚊左呀祺出左去走廊. 而呀光就拉住企唔穩既呀咪同拎埋佢d野就走.
呀咪話佢個陣好辛苦. 淨係記得期間跌跌撞撞咁. 我記得之後佢show比我睇佢刷損左隻腳.
仲話好可憐無得著短褲-_-v. 佢都勁喇佢. 跌到瘀哂咁損手爛腳咁. 但我唔明點解呀光好似無睇實佢咁-_-
可能佢叫呀光死開啦. 呀咪呢條友飲左醉好kai. 成日係度發脾氣.

then佢話期間d野斷哂片.但好記得好似係佢屋企樓下.準備開門入樓時佢都企唔穩.
之後呀光緊係扶實佢啦. 佢仲係度話呀光抽佢水囉 -_-凸. then佢話佢見到模模糊糊既呀光
好型好靚仔好正. 就錫左落去佢度.

我聽到哩度都勁笑佢-_- 笑佢又話唔鍾意人又要走去錫人. wow. 大家唔好誤會. 係錫到面豬鄧咋aoa.
then佢話呀光送到佢去屋企門口 之後急急腳走左-_-.

第2日呀咪話佢訓醒個陣好頭痛, 短哂片, 但好記得既就係錫左佢面豬鄧一啖-_-v
佢話之後個日呀光都無再搵佢. 到到倒數個日, 我地開p個日. 有冇人記得? ha. 我之前好似打過-_-
本身佢地唔係好理大家咁, 亦都無提上次個件事 , 佢話呀光好似有d避佢咁 , 同埋佢都無意同佢一齊,
所以都無點提.

之後一月佢地又成日單獨出去玩. 哩個係我唔知既-_-. 因為呀咪佢12月就考完試. 佢哩d唔讀書既人
唔洗諗個成績係點咖喇. 所以佢成個一月都好得閒. 唔似我. 仲要係度煩呀和d野 t-t.

then一直都風平浪淨, 直到二月十四前夕, 亦係我未同呀和好番個陣-,- 唔知大家記唔記得我地係之後先好番!
個陣我無乜mood, 但呀咪佢就一直煩住我問我整唔整朱古力. 我都有d估到佢有對象咖喇.
雖則我唔知係邊個 個陣-_-.

有一次同佢傾電話. 講講下又提到chocolate.

電話-
咪; 靚女.想唔想食朱古力?
我; wa.你整呀?
咪; 係呀.
我; 我驚未食就嘔定痾定先.
咪; 頂你-_-都知你講野無句好.
我; 知就好.
咪; 嗯.所以我都無特別期待xp!
我; 點呀-,-想搵我做白老鼠呀.講到咁明.
咪; 咩呀.咁講我咖.但係哩個真係事實.你真係明我!
我; 明你老味.都估到你味野.
咪; wa 姐姐爆粗 好lun驚. (串)
我; wa 婆婆爆粗 嚇9死我. (回敬佢xd)
咪; 叼你啦-_-婆婆.大你好多乜.
我; 妖.咪扯開話題.你整比邊個?
咪; um.
我; -,-
咪; 唔講.ok?
我; wa 你同我講秘密?
咪; 係呀.做人無mimi唔得.
我; 你有2粒啦.
咪; 叼. 淫賤-,-唔傾喇.整好搵你.
我; 唔好整得太難食.衛生d喎.
咪; 得啦.方死會食死你咩!

then唔記得up左d乜就收左線, 個陣好0n9好蠢既我 仲唔知原來哩條友就係.....hehe!
大家應該都知啦係咪?

[size=4][color=darkred][b]愈打愈hea.愈打愈短.愈打愈悶. so sor呀各位讀者.[/b][/color][/size]
[size=4][color=darkred][b]其實我唔係好忙. 上個禮拜就忙. 下個禮拜都忙. 但今個禮拜唔忙.[/b][/color][/size]
[size=4][color=darkred][b]但係我想知點解可以咁多人睇都得個幾個人比cm我囉?[/b][/color][/size]
[b][size=4][color=#8b0000]哩篇係為左我忠實心愛既讀者們打既w:010: .[/color][/size][/b]
[b][size=4][color=#8b0000][/color][/size][/b]
[b][size=4][color=#8b0000]你呀.你哩個唔留言淨係睇既人.打屎忽;@![/color][/size][/b]
[b][size=4][color=#8b0000]下集應該會打小妹同北仔. 呀光同呀咪仲未一齊.不過就睇反應再打.[/color][/size][/b]

[[i] 本帖最後由   牙. 於 2011-3-17 22:45 編輯 [/i]]

2011-3-17 22:57   牙.
[b]回覆 #228 ThunderHei:#ˇ 的帖子[/b]
唉.唔信我!

[b]回覆 #224 Vivian:D 的帖子[/b]
係呀.我好易原諒人.任何人都係.
就算哩一刻哩一秒哩一分鐘好嬲都好.
過一排都會覺得無乜野;-$.

[b]回覆 #223 -yiuyiu:) 的帖子[/b]
back了;).

[b]回覆 #222 ;`苦澀. 的帖子[/b]
隔左成2個禮拜咁滯先回so sor.
考成點呀 ok?

[b]回覆 #221 WinG-) 的帖子[/b]
更新左;) 太耐無打文 無回帖 覺得自己有d長氣沉氣既感覺.

[b]回覆 #220 糕糕糕! 的帖子[/b]
haha,我又何嘗唔係覺得對耐左會愈有感情呢?

2011-3-17 23:03   牙.
[b]回覆 #236 b:') 的帖子[/b]
haha.但係同時有時都幾衰幾激氣!

[b]回覆 #235 WinG-) 的帖子[/b]
hehe. 聽日放假.你夜晚咪通硬頂? anyway小心身體;)

[b]回覆 #234 雨★、 的帖子[/b]
係呀.佢怕醜/要面唔肯講掛;p!
我知呀.我依家都好少通lu.老左挨唔到咁耐xd.
所以我皮膚超唔好lo 呵呵.

[b]回覆 #231 雨★、 的帖子[/b]
番學係忙測驗默書既開始;-$. 放假係忙玩既開始;-$.

[b]回覆 #229 ;`苦澀. 的帖子[/b]
有喇有喇.個個禮拜堆左好多測驗so遲左好多;'(

2011-3-17 23:09   牙.
[b]回覆 #242 `★YIJAI. 的帖子[/b]
wa. 新讀者呀(L). 歡迎你呀;).
係呀.d男仔往往就係咁衰.成日掛住打機唔理人\./

[b]回覆 #241 ;`苦澀. 的帖子[/b]
今個禮拜唔算好忙.
但無乜心機去打文姐.番完學番黎好累好眼訓!
聽日或者會up多篇.夜訓既話.

[b]回覆 #240 SiU''飯 的帖子[/b]
係呀.
當一個人對你好好個陣;你往往係會覺得應份應該.
而唔會諗點解;唔會特別去了解去珍惜;
到失去左先會想要番想挽留番!

[b]回覆 #239 ;`苦澀. 的帖子[/b]
thx比意見t.t!
我打左lu.唔知岩唔岩大家心水!

[b]回覆 #237 糕糕糕! 的帖子[/b]
oh 意見.終於有人比我. thx!

2011-3-17 23:11 雨★、
牙牙你咁都叫老, 咁我哩啲米......... haha
啊咪飲醉真係唔多掂 成個癲婆咁既 xd
我估佢係整比啊光! 一定係鐘意左人啦佢條友~~~~

2011-3-17 23:12   牙.
[b][size=5][color=darkred]多謝一直以黎追住post等住我既讀者.[/color][/size][/b]
[b][size=5][color=#8b0000]多謝一直以黎keep住留言推post既人w:032: ![/color][/size][/b]
[b][size=5][color=#8b0000][/color][/size][/b]

2011-3-17 23:17   牙.
[b]回覆 #247 雨★、 的帖子[/b]
係囉.呀咪成日扮哂野 懶矜持懶清高既 haha;-$.
明眼人都睇得出唔係鍾意就係有好感 係個陣既佢唔知姐我諗.
不過真係同初初好憎呀光個個佢有d分別 唔通人就係咁現實?

唉.最近都無咩時間去睇你篇文.聽日去睇先.
加陣去訓教 :$.

2011-3-18 00:23 ThunderHei:#ˇ
haha.呀光變心:$?

2011-3-18 01:03 雨★、
[quote]原帖由 [i]  牙.[/i] 於 2011-3-17 23:17 發表 [url=http://www.3boys2girls.com/redirect.php?goto=findpost&pid=83668727&ptid=1292618][img]http://www.3boys2girls.com/images/common/back.gif[/img][/url]
回覆 #247 雨★、 的帖子
係囉.呀咪成日扮哂野 懶矜持懶清高既 haha;-$.
明眼人都睇得出唔係鍾意就係有好感 係個陣既佢唔知姐我諗.
不過真係同初初好憎呀光個個佢有d分別 唔通人就係咁現實?

唉.最近都無咩 ... [/quote]

米就係xd 鐘意人米認囉,扮乜姐 haha
人就係咁現實架喇.

唔緊要,早啲訓啦 (: goodnight

2011-3-18 16:26 ;`苦澀.
一定系牙光啦haha
牙光吾似會系d昅女既人wo@@

haha比起牙咪或姐小妹

我都系想睇你同牙和多d haha
supsupsupw:010:

2011-3-18 17:45 WinG-)
一定系整畀阿光拉XDDD`
佢肯定中意左人;P`
阿咪好搞笑xdddd`

2011-3-18 18:01 b:')
我都系最想睇你同AH和;$;$ ~~

2011-3-18 19:08 糕糕糕!
牙牙 幫你up吓la又lol
哈哈阿咪都正常阿, 話唔睇樣就呃人ge 不過朋友做耐咗自然都順眼啲gehehe

2011-3-19 04:19 ×煲仔(:`
spport you:)

2011-3-19 13:24 RACHEL:-)
SUPPORT!

2011-3-19 13:32 .★TISSUE:o)
其實我比較想睇小妹同北仔:$
不過阿咪同阿光佢地好好笑 ~~
SUPPORT:-)

2011-3-19 16:18   牙.
[b]十.[/b]










雖然我話過哩篇同上一篇唔會打自己.但係哩篇文主要都係圍繞我同呀和.
所以我唔會一直打佢地d野.況且我都唔係好清楚人地既事.只係見成日打自己.打到唔知打乜好.
所以唔該各位讀者就忍耐下-_- 我只係唔想成日死打自己d野. 講得多自己d野都會悶啦係咪?
so希望大家體諒下.

咁我就見有讀者話想睇下小妹同北仔d野.咁我就打下先xd.
其實啦.雖然我一直都講到北仔好衰好衰咁.其實佢都係貪玩.係玩個種話人同笑人.
我地fd堆入面都知道佢唔係真心講既.所以其實佢都唔係咁衰. 同埋雖然成日話北仔對小妹唔好.
但根據我聽番黎.其實並非咁既.hehe:$.

話說小妹09年生日個陣,佢好似係10月頭生日.同牙牙都幾近.不過我個次人無到.但禮當然有到啦.
係後補個隻.唔係我唔想去.而係北仔條賤人唔比我去.話咩要二人世界喎.懶浪漫咁.
其實咁講都係因為我羨慕佢地姐 xd. 阿和個死野日日淨係掛住打機.都唔識學下人地咖!

咁個朝早我打比小妹個陣-,-北仔就搶左個電話黎聽.於是我地又唇槍舌劍左一輪xd
好低b既對話.我都唔係好記得.但係依照番平時點講野黎打啦. haha!

電話-
我; 喂.baby!生日快樂:) (聽到接通左就咁講)
北仔; 喂.我唔係你baby喎.雖然我都知我英俊瀟灑風流...
北仔; 迷到唔少少女.但唔係連有夫之婦都拜係我裙腳下下化?
我; 點解會係你聽電話-_-
北仔; 你梗係想我聽啦.
我; 想你老母啦.
北仔; 叼你啦又想搵我老母.都唔知你神早流流打比我老婆有咩古惑! (玩野)
我; 我想搵你老母飲茶呀.ok? 我想搵佢仲乜你唔係唔知下化.第一句就交代左啦我.
北仔; 哦.想討好我老母再向我下手呀化.搵日幫你聯絡下佢啦. (無視我)
我; 唔係囉.我先唔會搞我fd條仔.叫小妹黎聽! (炆)
北仔; 哈哈哈.你依家一定炆薑咁既7樣.
我; 叫佢黎聽咯.唔想同你講野呀.
北仔; 我同佢交換左電話呀-_- 點叫佢黎聽.
我; 下.又會? (唔知佢講乜)
北仔; 係呀.佢話我成日有女仔打比我.咪收我電話.
我; 咁你賤格你抵死囉.咁點解你又會有佢電話呀?
北仔; 因為佢話驚搵我唔到囉.咪叫我用住佢電話先囉-_-
我; 你無屋企電話咩?
北仔; 0n9.
我; 你就0n9.都唔知乜事.
北仔; 得啦.我會幫你同佢講生日快樂咖喇.記得既話.
我; 唔得.你信唔過囉.你一定唔記得囉.
北仔; 係咖喇. happy得滯既話-,-
我; 你地一陣去邊.我join la.
北仔; 唔得喎.
我; 2人世界咁浪漫?
北仔; 你吹?
我; ok kai b. 唔傾.

之後就cut左線-_-. 佢真係好0n9. 真係激死人. 但係我都知佢係玩既.
不過同佢傾電話.講下野真係會激到嘔血-_- 死唔少細胞. 相信大家都好認同.

then聰明既我緊係打北仔既電話搵小妹咖啦!

電話-
我; 生日快樂呀!
小妹; 牙牙.你又知我用緊北仔部電話既!
我; 佢同我講既. 你知唔知佢幾賤?
小妹; 哦.原來係咁.
我; 佢岩岩狂串我囉.你幫我教訓下佢.
小妹; 哈哈.好呀. (狂笑-_-)
我; 笑咩呀-_-.
小妹; 你知唔知呢. 佢送左一大扎玫瑰比我.
我; 下.邊個佢? (以為有人追小妹-_-)
小妹; xxx(北仔全名.不便透露)囉. (勁甜咁把聲)
我; 哦.開心啦你!

then個d唔係好記得.傾左一陣就收左線.但我好記得既係佢笑得勁甜.不過做姊妹既都幾鄧佢開心既.
由個一刻起. 我就開始覺得. 其實北仔係咪表面好花心咁. 其實內裡好好人既呢?
由個一刻起 我開始對佢改觀.

之後個日我唔記得我做左d乜. 之後第二日要番學. 星期一黎. 小妹番到學校仲勁同我講個日發生d野!
成個lum樣擺哂出黎. 搞到我都有d羨慕. 無計啦. 呀和唔係浪漫個種人. 不過佢其實做少少野已經好感動到我.
係咪我太易服侍呢? 呵呵.

小妹就話個日收左佢玫瑰之後. 北仔就打比佢. 原來佢地個日約左去disney玩-0-v 岩哂小妹啦.
低低bb 傻傻呆呆咁. 不過北仔就應該係陪玩個個. haha. 小妹話個日係佢一生人之中最開心既.
不過小妹話北仔個一雖然一直講埋d好sweet既話 ,
但係總覺得佢係唔係出自真心既喎. 個陣我都聽唔出乜野玄機.. 但原來一直都暗示緊d野既發生.

小妹話北仔不嬲對佢都唔算太好, 無啦啦咁對佢佢勁驚. 咁如果比著你係咁. 其實你都會咁覺得既.
當然我緊係係度安慰佢咖啦. 但心入面一邊又好不安. 好唔知點緊.

後來一月個陣, 我同呀和嗌交個d , 佢地都一直無乜點, 一直都好好咁.
但直到個日, 我見到miki同呀和一齊個日之後, 我發現小妹一直都好似對我有戎心咁,
至於原因, 我一直都唔知... 直至到4月頭. 同依家時間都幾近-0-xd. 我地嗌左場交.

原因係因為我唔明佢點解要一直對我咁樣, 佢好似變左個人咁, 從前個個傻傻呆呆,
好好人 好鍾意和平既佢好似唔同左咁, 我一直都唔知, 原來係因為.......

我好記得個日我地嘈交, 我生平第一次同好朋友嘈咁大既交.

我; 我唔明點解你最交變左咁多囉.成個人唔同哂咁.
小妹; 你問下你自己做過d咩先啦. (好似想喊咁既樣.好可憐咁既樣)
我; 我做左d乜事呀.你唔講我又點會知-_-?
小妹; 其實我一直都覺得有d古怪咖喇... (喊左出黎.喊得超勁-_-)
我; -_-你唔好喊住先. 講清楚.
小妹; 你知唔知....
我; ?
小妹; 我唔需要你去幫我......t_t.....
我; 我幫你d咩.
小妹; =.=你喊完再講.

then佢就喊啦. 其實因為個陣係佢無啦啦約我去佢屋企樓下個邊-.- 其實我都估到有野發生.
但我完全唔知乜事囉-_- 有冇咁嚴重需要喊先? =.= 真係勁無奈. d呀伯呀婆經過又會幫下.
之後望左陣又會行去繼續捉棋 =.=. 但我覺得勁尷尬. 最憎尷尬場面.

等佢心情平復左d-,- 佢又開始講.

小妹; 你知唔知.....北仔佢同我講.....佢一直都無鍾意過我.當我細妹咋?
我; ....... (無奈.o咀)

其實一開始我同呀和一齊之前, 我都知北仔係對我有d好感咁既. 我亦都有d排斥.
但我一直都以為北仔同左小妹一齊會真係鍾意左佢..... 真係唔知會搞到咁-,- 所以我當其時有d驚.
驚同小妹連朋友都無得做. 因為我真係好需要哩個朋友......

小妹; 唔出聲? 仲咩唔出聲? 身有屎? (估唔到佢會講哩d野-_-)
我; 咩身有屎呀-_- 你up乜. 你傻左? (我有d嬲)
小妹; 佢鍾意個個係你呀. 你知咖......係你一直都係度扮傻之嘛.
我; 痴線.仲咩無啦啦咁屈我. 好笑.
小妹; 其實上次我約你出黎叫你睇呀和同miki一齊d野係特登咖.
小妹; 我想知北仔鍾意個個係邊個. 但係佢唔肯同我講.
小妹; 所以我一直都係度不停咁試佢.
小妹; 直至個次. 佢都睇到個陣. 你知唔知你走左之後 佢幾嬲?????
小妹; 佢差d同呀和打起上黎你又知唔知?
我; ............ 我真係唔知wo-_- (唔知講乜好)

個陣我真係好o-,- 作為人地既女朋友. 作為人地既好朋友. 我做咁多傷害人既事.
口口聲聲話係人地既好朋友. 保護佢. 維護佢..... 我究竟出左d咩力. 見到個一刻既小妹.
雖然控制到自己唔喊. 但佢既表情. 佢個樣係有幾嬲我..... 我睇得出.....

但我又有做錯d乜? 身為一個朋友我又有做錯d乜?
如果你有一個朋友. 鍾意左一個對你好感既朋友.... 你會唔會走去同佢講.
話 「喂.唔好鍾意佢呀.佢鍾意左我?」定係同佢講「佢好衰咖.唔好鍾意佢」
如果係前者既話. 你個朋友又會點諗你? 自大? 好笑? 選擇退出?
如果係後者既話. 你個朋友又會點諗你? 好替佢著想? 點解你知知佢係咁?

小妹; 我當你係我最好既朋友......你當我係你既邊個?
小妹; 你梗係唔知啦......佢一直咁維護住你既開心...... (苦笑)
我; 唔係呀.我會同佢講咖喇. 你唔好咁啦.
小妹; 你同佢講咩? 叫佢繼續同我一齊?
我; ........ (唔知講乜好)
小妹; 算啦...... 我都知勉強無幸福. 但我想你知既係... 諗下邊個先係對你好個個.
我; 小妹........

之後佢就走左. 我個一刻好無助. 我可以搵邊個? 打電話比呀和? 打電話比北仔?
我最後打左比呀咪. 同佢講哂所有既野.......

呀咪; 其實.小妹會咁都係人知常情姐.不過佢崩潰還崩潰.發洩哂係你身上又唔係幾岩啵.
我; 好難得先搵到一個好朋友.係我自己搞到咁咖...... (自責.好想喊)
呀咪; 唔好喊-_- 救命. 今日好似好多野發生咁.
我; 仲咩?
呀咪; -_-唉.遲d再講你知.
我; 我依家可以點做?
呀咪; 唔好諗咁多. 番屋企訓番教. 件事唔關你事既....我搵北仔講下.
我; 好難唔諗. 我想搵小妹.
呀咪; 佢會聽你電話會比你搵到先算啦-_-.
我; 唉.咁我係咪同佢無朋友做?
呀咪; 唔知咖. 唔好咁自責啦. 雖然佢係好傷. 但傷佢個個並唔係你.

個晚我番到屋企都諗左勁多野. 之前岩岩fd個陣d開心野.佢d傻野....
同埋因為小妹最後個句說話「諗下邊個先係對你好個個」.... 我會開始諗其實呀和係咪真係同miki有野.
但係又諗番起呀和話如果佢同miki真係一齊就唔會同我一齊啦.同佢一齊先啦.
咁又有d道理. 個人勁亂.

[size=4][color=darkred][b]下一集會講番我同呀和咖喇. [/b][/color][/size]
[size=4][color=darkred][b]今集應該對好多讀者黎講係一個震撼黎-_-.[/b][/color][/size][size=4][color=darkred][b]對個陣既我黎講亦都係啦. [/b][/color][/size]
[size=4][color=darkred][b]邊個會諗到. 前一秒.前一分鐘.仲好好地既朋友. 突然會變哂?[/b][/color][/size]
[size=4][color=darkred][b]但係改變總係有原因........ [/b][/color][/size]
[size=4][color=darkred][b]今集多番少少字數. haha:$. 但係打到好9唔搭8. 好亂. 好垃圾.[/b][/color][/size]

2011-3-19 16:20   牙.
回覆 #250 ThunderHei:#ˇ 的帖子

唔知呢.不過佢好專一的:-$.

2011-3-19 16:21   牙.
回覆 #251 雨★、 的帖子

邊有人鍾意人會認丫.有個d一定好勇.

2011-3-19 16:22   牙.
回覆 #252 ;`苦澀. 的帖子

我只係偶爾打下佢地姐.
自己打得多自己d野都唔知打乜好la係咪:-$.
打得多都會悶.

2011-3-19 16:23   牙.
回覆 #253 WinG-) 的帖子

應該係話暗戀中既女人好得意xd.

2011-3-19 16:24   牙.
回覆 #254 b:') 的帖子

我只係偶爾打下人地.
況且篇文主線係自己同呀和度.

頁: 1 2 3 4 5 6 7 8 9 10 [11] 12 13 14 15 16 17 18 19 20


Powered by Discuz! Archiver 5.5.0  © 2001-2006 Comsenz Inc.